Horft til styrkleika Garðabæjar

Vetrarmýri ehf. á þó bara hluta af Vetrarmýrinni. Neðri hlutinn, nær Kópavogi, bíður útboðs.

Margháttuð starfsemi

Eins og Ingi útskýrir fyrir blaðamanni verður margháttuð starfsemi í Vetrarmýri sem öll styður fjölbreytta búsetu fólks á öllum aldri, þar á meðal barnafólks. Áformað er að byggja fótbolta- og knattvelli ásamt fimm þúsund manna stúku. Þá bætast kjörbúð, hótelíbúðir, skrifstofur, bílakjallari, hjúkrunarheimili, leikskóli og skóli við í fyllingu tímans.

Golfvöllur GKG blasir við út um stofugluggann. Eyþór Árnason

Uppbygging í Vetrarmýri, sem er 20 hektara land, verður þegar allt er talið um 100 þúsund fermetrar. Þar af eru 66.000 fermetrar af fjölbýli og 36.000 fermetrar af atvinnuhúsnæði með 664 íbúðum að hámarki.

Aðspurður segir Ingi að áætlað söluverð allra fjögurra áfanga Arnarhvols sé á bilinu 50-70 milljarðar króna.

Ingi hrósar bænum fyrir góð vinnubrögð í ferlinu. „Maður finnur fyrir metnaði. Þau vilja að hverfið verði þægilegt og vel heppnað og að hér verði gott að búa. Bærinn hefur alveg síðan við hófumst handa tekið vel í allar ábendingar um úrbætur og verið fljótur að leysa vandamál.“

Tilbúið í ágúst

Um afhendingu íbúðanna segir Ingi að minna húsið, Vetrarmýri 4, verði tilbúið í heild sinni fyrir miðjan ágúst nk. Stærra húsið, Vetrarmýri 2, verði klárt í nóvember nk. „Svo verður næsta fjölbýlishús tilbúið eftir tuttugu og fjóra mánuði, árið 2027.“