Gervigreindin mun fækka skrifstofufólki

Dario Amodei, forstjóri bandaríska gervigreindarfyrirtækisins Anthropic, spáir því að tæknin sem hann og aðrir eru að þróa kunni að útrýma um helmingi allra þeirra starfa sem unnin eru á skrifstofum í dag og það innan örfárra ára. Þetta sagði hann í viðtali í vikunni og greint var frá í CNN.

Amodei hefur þó ekki lagt fram nein gögn eða rannsóknir sem styðja þessa spá hans. Margir hafa gagnrýnt síendurtekið tal um að gervigreindin muni á einhvern hátt gera heiminn betri og fækka störfum en að sama skapi umturna honum áður.

Gagnrýnendur benda sömuleiðis á að Amodei, sem nýverið kynnti nýja útgáfu af gervigreindarbúnaði Anthropic, muni sjálfur hagnast hvað mest á þessari umbyltingu. Spá hans sé því fremur auglýsing en varnarorð.