Fasteignamat íbúða hækkar um 10,2%

Húsnæðis- og mannvirkjastofnun (HMS) hefur birt nýtt fasteignamat fyrir árið 2026 og sýnir það hækkun upp á 9,2% að meðaltali frá fyrra ári. Þótt hækkunin sé almenn um land allt kemur í ljós að hún er misjöfn eftir tegundum fasteigna og svæðum.

Í tilkynningu HMS kemur fram að hækkunin sé mest á íbúðar- og sumarhúsamarkaði. Meðalfasteignamat íbúða hækkar um 10,2%, en fasteignamat sumarhúsa hækkar um 11,5%. Atvinnueignir hækka að meðaltali um 4,8%. Á bak við þessar breytingar liggja áframhaldandi verðhækkanir á fasteignamarkaði, þar sem kaupverð hefur farið vaxandi í flestum landshlutum.