Ingibjörg nýr formaður FKA
Setja bókamerki
Ingibjörg Salóme Sigurðardóttir framkvæmdastjóri, hundaræktandi & eigandi Gæludýr.is og Home&you var kjörin nýr formaður Félags kvenna í atvinnulífinu, FKA á aðalfundi félagsins. Frá þessu er greint í tilkynningu frá FKA.
Aðalfundur Félag kvenna í atvinnulífinu, FKA var haldinn fimmtudaginn 22. maí 2025 í Húsi atvinnulífsins. Ingibjörg var kjörin formaður FKA með 37.95% atkvæða.
„Ég hef langa og veigamikla reynslu af íslensku atvinnulífi, bæði sem stjórnandi á almennummarkaði en einnig sem fyrirtækjaeigandi. Ég hef stofnað og byggt upp frá grunni tvö fyrirtæki, Gæludýr.is og Petmark ehf, heildverslun, en auk þess á ég og rek home&you, sem er einstaklega falleg gjafavöruverslun í Smáralind. Ég tel að fjölbreytt reynsla mín af íslensku atvinnulífi muni nýtast mér vel í hlutverki formanns FKA,“ er haft eftir Ingibjörgu Salóme í tilkynningu.
Í stjórnendahópinn bættust við nýjar konur og á fundi nýkjörinnar stjórnar í framhaldi af aðalfundi var kosið í hlutverk varaformanns, ritara og gjaldkera og voru þær Guðlaug Hrönn Jóhannsdóttir varaformaður, Margrét Hannesdóttir gjaldkeri og Rósa Viggósdóttir ritari kjörnar í þau hlutverk félagsins.
Alls ellefu konur buðu sig fram til stjórnar. Fjórar konur voru í framboði til formanns.
Fjölmargir viðburðir eru hjá FKA á hverju starfsári og byrjað er að skipuleggja haustið. Opnunarviðburður FKA verður hjá Árvakri þann 3. september næstkomandi.
Þær stjórnarkonur sem sitja í stjórn FKA-Félag kvenna í atvinnulífinu, FKA starfsárið 2025-2026 eru eftirfarandi:
- Ingibjörg Salóme Sigurðardóttir framkvæmdastjóri, hundaræktandi & eigandi Gæludýr.is og Home&you / formaður
- Guðlaug Hrönn Jóhannsdóttir - Eigandi hugbúnaðarfyrirtækisins GET Ráðgjöf ehf. / varaformaður
- Hólmfríður Jennýjar Árnadóttir - Stjórnandi, ráðgjafi og stjórnarkona.
- Margrét Hannesdóttir - Sérfræðingur í fjármálum fyrirtækja og óperusöngkona / gjaldkeri. (aðalstjórn til eins árs)
- Rósa Viggósdóttir - Stjórnandi / Ritari
- Þórey Hafliðadóttir - Margmiðlunarhönnuður og eigandi Helvítis ehf. (aðalstjórn til eins árs)
- Þuríður Aradóttir Braun - Forstöðukona markaðsstofu Reykjaness, ferðamálafræðingur og MBA
- Jasmina Vajzovic Crnac - Eigandi IZO Ráðgjöf og verkefnastjóri Viðnámsþróttar Suðurnesja (varakona til eins árs)
Kristrún: „Stór orð látin falla“
„Ég er ótrúlega þakklátur“: Næstu skref snúin
Barn brýtur niður hurðir: Talið að þær myndu halda
Norska verðið í uppnámi
Gátu ekki lagst að bryggju í 15 klukkustundir
Áratugir gætu liðið fram að næstu goshrinu
Skor flytur eftir áralangar deilur
Vill lækka álagningarhlutfall í Reykjavík