Nýir viðskiptastjórar hjá Motus

Motus hefur ráðið þrjá nýja viðskiptastjóra til starfa, þau Arnar Stein Helgason, Ástu Pétursdóttur og Gylfa Stein Guðmundsson. Þau hafa öll hafið störf og munu gegna lykilhlutverki í þjónustu og samskiptum við viðskiptavini.

Leifur Grétarsson, forstöðumaður viðskiptastýringar hjá Motus, fagnar komu þeirra til fyrirtækisins og haft er eftir honum í tilkynningu:

„Við hjá Motus leggjum mikla áherslu á góða þjónustu og samskipti við viðskiptavini, meðal annars með því að vinna saman með þeim að því að finna bestu leiðirnar til að ná þeirra markmiðum í kröfuþjónustu. Öflugir viðskiptastjórar leika lykilhlutverk í þeirri vinnu og við bjóðum þau Arnar, Ástu og Gylfa hjartanlega velkomin í teymið.“

• Blogga um frétt