Tíu milljarða viðskipti með bréf Íslandsbanka

Gengi hlutabréfa Íslandsbanka hækkaði um 4,39% í dag og gengi við lokun var 119 krónur á hlut.

Heildarvelta með bréf bankans nam um 10 milljörðum króna. 

Þessi hækkun kemur í kjölfar hlutafjárútboðs ríkisins, þar sem almenningi bauðst að kaupa bréf á 106,56 krónur á hlut. Með lokagengi dagsins er verðmæti bréfanna því um 11,7% hærra en útboðsgengið.

Mikil eftirspurn var eftir bréfum í útboðinu, þar sem yfir 31.000 einstaklingar skráðu sig fyrir hlut í bankanum.

• Blogga um frétt