Nvidia-ofurtölva til landsins

Þórður Jensson, forstöðumaður innviðalausna hjá Advania, segir að tölvan muni umbylta gervigreindarvinnslu hér á landi. „Í stuttu máli þýðir það að gervigreindarvinnsla og -þróun, sem áður þurfti að fara fram í stórum gagnaverum, getur átt sér stað í tölvunni sjálfri, sem er á stærð við ósköp venjulegt nestisbox,“ segir Þórður.

DGX Spark er einnig með ConnectX-7-netkorti, sem gerir mögulegt að tengja saman tvær vélar og vinna með líkön með allt að 405 milljarða breytistærðum. Þetta opnar á möguleika fyrir íslensk fyrirtæki, rannsóknaraðila og stofnanir að nýta sér háþróaða gervigreindartækni án þess að þurfa að treysta á erlend gagnaver.

Advania, sem er Elite-samstarfsaðili Nvidia á Íslandi, hefur tryggt sér nokkrar vélar sem verða fáanlegar síðar í sumar. Með tilkomu DGX Spark má ætla að gervigreindarþróun verði mun aðgengilegri og skilvirkari fyrir íslenskt atvinnulíf og rannsóknarsamfélag.