Íþróttir | Fótbolti | mbl | 10.6.2025 | 23:10

Yfirburðir Dana í Óðinsvéum

Christian Eriksen fyrirliði Dana var með mark og stoðsendingu í kvöld og á hér í höggi við Modestas Vorobjovas og Artemijus Tutyskinas. AFP/Bo Amstrup

Danska karlalandsliðið í knattspyrnu lék á als oddi í Óðinsvéum í kvöld þegar það vann stórsigur á Litáen í vináttulandsleik, 5:0.

Úrslitin voru nánast ráðin eftir rúman hálftíma en eftir að Mika Biereth, Christian Eriksen og Kasper Dolberg skoruðu þrjú mörk á ellefu mínútna kafla var var Litáinn Edgaras Utkus rekinn af velli.

Manni fleiri í 60 mínútur bættu Danir við tveimur mörkum í síðari hálfleik og þar voru á ferð Rasmus Kristensen og Anders Dreyer.

Eriksen, Biereth og Dreyer voru líka með sína stoðsendinguna hver.