Langri eyðimerkurgöngu Tottenham lauk á Spáni

Tottenham er Evrópudeildarmeistari árið 2025 eftir nauman sigur gegn Mancehster United í úrslitaleik keppninnar í Bilbao á Spáni í kvöld.

Þetta er fyrstu Evrópubikar Tottenham í 41 ár en félagið varð síðast Evrópubikarmeistari árið 1984.

Leiknum í kvöld lauk með 1:0-sigri Tottenaham þar sem Luke Shaw, varnarmaður Manchester United, reyndist örlagavaldurinn en hann varð fyrir því óláni að skora sjálfsmark á 42. mínútu.

Pape Sarr fékk þá allan tímann í heiminum til þess að senda boltann fyrir markið frá vinstri. Brennan Johnsen setti fótinn í boltann sem skaust til baka í Luke Shaw og þaðan fór hann í netið.

Reyndist það sigurmark leiksins en United-menn reyndu hvað þeir gátu að jafna metin, án þess þó að ná að skapa sér afgerandi marktækifæri.

Sigurinn þýðir að Tottenham leikur í Meistaradeildinni á næstu leiktíð en United situr eftir með sárt ennið, leikur ekki í Evrópukeppni á næsta keppnistímabili, og getur ekki endað ofar en 14. sæti úrvalsdeildarinnar en liðið er sem stendur í 16. sætinu.

Tottenham	1:0	Man. United	Opna lýsingu Loka
90. mín. +7 mínútur í uppbótartíma. Nægur tími fyrir United til þess að jafna metin.
Augnablik — sæki gögn...

• Blogga um frétt