Leikur með Stjörnunni næstu árin

Knattspyrnumaðurinn Jóhann Árni Gunnarsson leikur áfram með Stjörnunni næstu árin.

Félagið hefur tilkynnt að Jóhann sé búinn að framlengja samning sinn við félagið, segir að hann verði áfram í bláa búningnum næstu ár en láðist reyndar að taka fram hversu langur samningurinn er.

Jóhann er 24 ára gamall miðjumaður, uppalinn í Fjölni, og lék með Grafarvogsliðinu til 2021, þar af tvö  tímabil í efstu deild, en hefur spilað með Stjörnunni frá 2022. 

Hann á að baki 89 leiki í efstu deild fyrir Stjörnuna og Fjölni og hefur skorað 12 mörk og skoraði auk þess 13 mörk í 42 leikjum á tveimur tímabilum með Fjölni í 1. deildinni.

• Blogga um frétt