Sumarið er alveg að koma ef marka má veðrið núna. Þegar hlýnar í veðri fer bjartsýni Íslendingurinn í sitt besta skap og skærasta sumarkjól. En hvað með skóna?

Skórnir sem verða mest áberandi í sumar gætu leynst í skápnum nú þegar. Þeir eru afar mínimalískir og flestir tengja þá við strandarlífið á suðrænum slóðum. Nú eru þeir hins vegar komnir í tísku og þykja passa við flest allt. Sandalarnir kallast einfaldlega Flip Flops-sandalar og fást nú í mörgum mismunandi útfærslum, bæði úr leðri eða gúmmíi eins og svo algengt er með þessa týpu á skóm.

Þeir þykja líka með eindæmum þægilegir til að ferðast með vegna þess að þeir eru léttir og taka ekkert pláss í ferðatöskunni.

Þessa sandala verður hægt að nota við ótal tilefni í sumar. En fyrst, fótsnyrting.