Það voru allir í góðu formi á uppskeruhátíð Núna Collective sem fram fór í Fantasíusal Vinnustofu Kjarval á dögunum. Fólk fagnaði persónulegum sigrum og auðvitað sameiginlegum sigrum eins og oft vill gerast þegar fólk mætir saman í hóptíma. Núna Collective er rekið af Helgu Theodors sem er Barre-drottning Íslands. Þetta var í þriðja sinn sem hún bauð áskriftarmeðlimum í teiti en Núna Collective fagnar þriggja ára afmæli í júní. 

Helga opnaði stúdíóið árið 2022 eftir að hafa búið í Los Angeles í 13 ár þar sem hún starfaði sem grafískur hönnuður og Barrekennari ásamt því að eiga og reka tvö Barrestúdíó. Síðan þá hefur stúdíóið á Íslandi vaxið hratt og sífellt fleiri konur sem leita eftir vellíðan og jafnvægi í einstöku umhverfi bætast í samfélagið.