„Að sjá vélina frá Akureyri koma hér fram Hofsárdalinn með stefnu beint inn á braut vekur alltaf góða tilfinningu,“ segir Nikulás Árnason, flugvallarvörður á Vopnafirði. Þar í sveit er flugið afar mikilvæg samgönguæð, enda er langt í næstu byggðir
Vopnafjörður Nikulás Árnason hér með flugstöðina og farkost í baksýn. Twin Otter tekur 19 farþega og þykir afar traust og góð flugvél.
— Morgunblaðið/Sigurður Bogi
Sigurður Bogi Sævarsson
„Að sjá vélina frá Akureyri koma hér fram Hofsárdalinn með stefnu beint inn á braut vekur alltaf góða tilfinningu,“ segir Nikulás Árnason, flugvallarvörður á Vopnafirði. Þar í sveit er flugið afar mikilvæg samgönguæð, enda er langt í næstu byggðir. Löng hefð er fyrir því að Vopnfirðingar sæki til dæmis verslun og þjónustu til Akureyrar fremur en í Egilsstaði. Forðum lá leiðin til og frá Vopnafirði á Hérað yfir fjallgarða á Möðrudalsöræfum sem oft gátu verið veruleg fyrirstaða. Sá vegur er fyrir löngu aftengdur, nú er farin Háreksstaðaleið en áfram helst þó að Akureyri er bakland Vopnafjarðar að svo mörgu leyti.
Þríhyrningur og traustur Twin Otter
Þriðjudagsmorgunn og klukkan er langt gengin í 10. Vormorgunn eins og þeir gerast
...