Á dögunum stóð Kampavínsfjelagið fyrir kampavínspartíi með Camillu Rut á SKÝ þakbarnum, á Center Hótelinu við Arnarhvol við Ingólfsstræti 1, í hjarta höfuðborgarinnar. Tilefnið var að kynna kampavínið Piper-Heidsieck frekar og fagna sumrinu með stæl.

Camilla Rut er mikill aðdáandi Piper-Heidsieck og leikkonunnar Marilyn Monroe en sagan segir að Monroe hafi drukkið eitt glas á dag af þessu kampavíni og hafi hreinlega baðað sig upp úr því.

Kampavínið flæddi fram í orðsins fyllstu merkingu

Fullt var út úr dyrum og kampavínið flæddi fram í orðsins fyllstu merkingu. Rauði liturinn var þema kvöldsins og mátti sjá rauða varalit á nánast hverri konu en hann var líka uppáhaldsvaralitur Monroe. 

„Við elskum að skapa góðar minningar og þetta var eitt af þeim kvöldum sem maður man lengi eftir. Stemningin var alveg frábær og gleðin fylgdi okkur allan viðburðinn inn í kvöldið. Rauði varaliturinn kórónaði glamúrinn og dansgólfið sem myndaðist þegar leið á kvöldið skapaði þessa óaðfinnanlegu stemningu sem skilur eftir sig,“ sagði Camilla eftir kvöldið.

Kvöldið heppnaðist frábærlega

„Eftir að Kampavínsfjelagið tók við dreifingu Piper-Heidsieck á Íslandi hefur samstarfið gengið afar vel. Piper-Heidsieck er þekkt alþjóðlegt kampavínsvörumerki sem hefur um árabil staðið fyrir glæsilegum og eftirminnilegum viðburðum um allan heimog það var einmitt innblásturinn að okkar viðburði hér á landi.

Markmiðið var skýrt: að kynna kampavínið fyrir gestum á einstakan hátt og færa þeim þá stemningu sem vörumerkið er þekkt fyrir. Við fengum Camillu til liðs við okkur í hugmyndavinnu og miðasölu, og gekk það vonum framar, viðburðurinn seldist upp á skömmum tíma.

Við getum með sanni sagt að kvöldið hafi heppnast frábærlega og gestir gengið glaðir heim – með minningar sem endast. Við hlökkum strax til að endurtaka leikinn á næsta ári,“ segir Styrmir Bjarki Smárason þegar hann varð spurður út í sumarpartíið.

Sjáið myndirnar frá kampavínsgleðinni: