Matur | mbl | 11.6.2025 | 21:00

Uppáhaldssumarsalatið er með vatnsmelónu, myntu og fetaosti

Dýrðleg vatnsmelónusalat með myntu og fetaosti sem á svo vel á sumrin. Ljósmynd/Aðsend

Eitt af mínum uppáhaldssumarsalötum er þetta vatnsmelónusalat með myntu og fetaosti. Mynta og melóna passa svo vel saman og eiga vel við þegar sólin skín. Það þarf ekki mörg hráefni í þetta salat og síðan er líka sáraeinfalt að gera það. Salatið er fallegt og gaman að bera það fram.

Ég kaupi mikið af myntu fyrir sumartímann, nýti í þetta salat og líka út í sódavatnið. Sá drykkur sem mér finnst mest svalandi að njóta í hita er ískalt sódavatn með myntu og límónusneiðum.

Myntan er fersk og bragðgóð og líka falleg til að skreyta með. Ljósmynd/Aðsend

Vatnsmelónusalat með myntu og fetaosti

1 vatnsmelóna, skorin í munnbita
15 ml sítrónusafi (safi úr 1 meðalstórri sítrónu)
Sítrónubörkur rifinn niður, eftir smekk
10 g fersk VAXA mynta, gróflega söxuð (aðeins meira til skrauts)
45 ml ólífuolía (gott að dreifa aðeins auka yfir í lokin)
Salt og ferskmalaður svartur pipar, eftir smekk
110 g fetaostur
Valkvætt – Eitt box af VAXA klettasalati. Mjög gott að bæta við klettasalati fyrir meira bragð.

Aðferð:

Byrjið á því að skera vatnsmelónuna í hæfilega stóra bita sem passa vel í salat.
Setjið síðan vatnsmelónubitana í stóra skál.
Rífið niður sítrónubörkinn með rifjárni.
Hellið sítrónusafa og helmingnum af börknum saman við melónubitana. Gott þó að smakka til svo salatið verði ekki of súrt.
Bætið við söxuðu myntunni, gott að eiga nokkur lauf eftir í lokin fyrir skraut, ólífuolíunni og klettasalati ef það er notað.
Blandið öllu varlega saman þar til myntan og olían dreifist yfir melónubitana.
Kryddið létt með salti og pipar, munið að fetaosturinn bætir við salti svo verið spar á saltið yfir salatið.
Setjið salatið á fallegt fat eða í stóra skál, dreifðu fallega úr því.
Myljið síðan fetaostkubbinn yfir.
Stráið restinni af sítrónuberkinum og myntunni yfir.
Einnig er gott að smakka til og bæta við ólífuolíu og svörtum pipar eftir smekk.
Berið strax fram og njótið með því sem hugurinn girnist.