Próteindraumurinn hennar Unnar sem allir geta gert
Unnur Pálmarsdóttir kann að gleðja bragðlaukana með hollum réttum.
mbl.is/Eggert Jóhannesson
Setja bókamerki
Unnur Pálmarsdóttir eigandi Fusion og hópþjálfari er snillingur að búa til holla og góða rétti sem bragðast vel. Hún deilir nú með lesendum matarvefsins uppskrift að Weetabix-próteindrauminum sínum.
„Ég er aðdáandi Weetabix próteins og hér er uppskrift sem gerir ljúffengan, saðsaman og bragðgóðan morgun- eða hádegisverð. Það er mjög einfalt að útbúa dásemdina kvöldið áður og láta það standa í ísskápnum yfir nóttina og er tilbúið um morguninn.
Unnur Pálmarsdóttir er iðin við deila uppskriftum með lesendum.
mbl.is/Eggert Jóhannesson
Þessi uppskrift virkar líka mjög vel með höfrum í stað Weetabix. Mér finnst gott að nota gríska jógúrt þar sem hún er saðsöm og góð. Þið getið líka prófað aðra möguleika,“ segir Unnur.
Weetabix-próteindraumurinn
- 1 Weetabix Prótein
- 40 ml fjörmjólk (eða möndlumjólk)
- grískt jógúrt að vild
- 2-3 lúkur af bláberjum, má líka vera með jarðarber eða hindber
Valfrjálst
- 1 tsk. hunang eða hnetusmjör til að dreypa yfir og smávegis af muldum Weetabix og jafnvel kanil til að toppa dásemdina.
Aðferð:
- Myljið Weetabix-kexið ofan í skálina.
- Bætið mjólkinni út í og fletjið hana út til að búa til botninn
- Blandið bláberjunum saman við gríska jógúrtið og setjið berin yfir Weetabix-botninn.
- Dreypið hunangi og smá muldum Weetabix yfir og geymið í kæli yfir nótt.
- Berið síðan fram og skreytið af vild með ykkar uppáhalds.
Giftu sig að ásatrúarsið í Svíþjóð
Markmiðið að borða kíló af sykri
Gætti ekki að sér og varð valdur að banaslysi
Samningarnir komnir í uppnám
„Þá var alveg upplagt að nota stera“
Árás á ungar stúlkur í veikri stöðu
Mál Helga skýrist eftir helgi
„Felur í sér mjög óeðlilegt greiðslufyrirkomulag“