Matur | mbl | 19.5.2025 | 12:30

Grillostur í vefjum er lostæti að njóta í blíðunni

Girnilega vefjur með grilluðum osti, fersku salati og tacosósu. Ljúft að taka með í lautarferðina líka. Ljósmynd/Berglind Hreiðars

Brakandi blíða hefur leikið við landsmenn síðustu daga og grillveislur hafa verið haldnar víða. Þessar vefjur og ótrúlega góðar til njóta í upphafi nýrrar viku og leið til að halda áfram að grilla.

Hér eru á ferðinni vefjur með fersku salati, avókadó, kirsuberjatómötum, kóríander, fínum sneiðum af Grillostinum og tacosósu. Þetta er frábær réttur fyrir börn og fullorðna og passar líka vel í lautarferðirnar sem eiga án efa eftir verða þó nokkrar ef veðurblíðan heldur áfram. Heiðurinn af uppskriftinni á Berglind Hreiðars hjá Gotterí og gersemar.

Grillosturinn sem notaður er í þessa uppskrift er í anda Halloumi og hentar frábærlega á grillið eða á pönnuna ef vill.

Vefjur með grillosti

Fyrir 4

1 stk. Grillostur frá Gott í matinn (260 g)
8 stk. litlar vefjur (mini)
1 box kirsuberjatómatar
1 stk. avókadó
kál eftir smekk
tacosósa eftir smekk
18% sýrður rjómi eftir smekk
Ferskt kóríander eftir smekk
ólífuolía til steikingar eftir þörfum
salt, pipar og hvítlauksduft eftir smekk

Aðferð:

Skerið Grillostinn niður í þunnar sneiðar (um ½ cm á þykkt) og leggið til hliðar.
Skerið niður allt grænmeti og hitið vefjurnar.
Grillið eða steikið grillostasneiðarnar á meðalhita, upp úr ólífuolíu ef þið ætlið að steikja á pönnu.
Kryddið með salti, pipar og hvítlauksdufti eftir smekk.
Raðið grænmeti, salsasósu, sýrðum rjóma og grillosti saman í vefjurnar og njótið.