Lægð suður af landinu
Setja bókamerki
Lægð suður af landinu stýrir veðrinu um þessar mundir, að því er segir í hugleiðingum veðurfræðings Veðurstofu Íslands.
Veldur hún austanátt í dag og verður ýmist gola eða kaldi en strekkingur syðst fram yfir hádegi.
Lægðin mun senda úrkomusvæði til norðurs. Búast má við rigningu eða súld en þurrt að mestu á Norðurlandi þangað til síðdegis.
Hiti verður á bilinu 7 til 15 stig, hlýjast á Norðurlandi.
Úrkomusamt við lægðarmiðjur
„Á morgun nálgast lægðin og gera spár ráð fyrir að stóran hluta dagsins verði lægðarmiðjan yfir Suður- og Vesturlandi og því fremur hægur vindur á þeim slóðum,“ segir í hugleiðingum veðurfræðings.
Annars staðar má gera ráð fyrir suðaustan og austan 5-13 m/s.
„Það er yfirleitt úrkomusamt við lægðarmiðjur og því má búast við rigningu eða skúrum víðast hvar á landinu á morgun og sums staðar líkur á talsverðum dembum síðdegis.“
Leitar réttar síns eftir samskipti við SÍ
Framkvæmdir hafnar á skólaþorpi í Laugardal
„Neikvæðar afleiðingar fyrir íslensk heimili“
Framtíðarskuldir Reykjavíkurborgar áhyggjuefni
„Ég hef tröllatrú á þessu“
Tíðindin óvænt og vaxtalækkun ósennileg
Nýjustu tölur áhyggjuefni og mikil vonbrigði