Fimmmenningarnir í Gufunesmálinu, þar sem hrottalegt ofbeldi í garð Hjörleifs Hauks Guðmundssonar leiddi til andláts hans, neituðu allir sök fyrir dómi í morgun.

Ríkisútvarpið greindi frá þessu. 

Ákæra gegn fjórum karlmönnum og einni konu var þingfest í Héraðsdómi Suðurlands í morgun. Eru þau ákærð vegna frelsissviptingar, fjárkúgunar og manndráps.

Stefán Blackburn, Lúkas Geir Ingvars­son og Matth­ías Björn Erl­ings­son eru sakaðir um mann­dráp og fjár­kúg­un.

Fjórði maðurinn er ákærður fyrir peningaþvætti og ung kona fyr­ir hlut­deild í frels­is­svipt­ingu og rán.

Frétt af mbl.is

Lýsir miskunnarlausu ofbeldi þremenninganna

Ofbeldi hófst um leið

Hjör­leif­ur Haukur er sagður hafa verið ginnt­ur fyr­ir til­stilli tæp­lega tví­tugs kven­manns í bif­reið fyr­ir utan heim­ili sitt í Þor­láks­höfn að kvöldi 10. mars.

Þar mættu hon­um fyr­ir þeir Stefán og Lúkas og virðist sem of­beldið hafi haf­ist um leið og hann kom inn í bíl­inn, að því er fram kom í ákæru. 

Matth­ías er sagður hafa hitt þá Stefán og Lúkas fyr­ir hjá Hell­is­heiðavirkj­un þar sem Hjör­leif­ur var færður í bif­reið hans með poka á höfðinu.

Frétt af mbl.is

Ákærðir fyrir manndráp, frelsissviptingu, rán og fjárkúgun

Tóku út þrjár milljónir króna

Þaðan var hon­um ekið að iðnaðar­hús­næði á Kjal­ar­nesi þar sem misþyrm­ing­arn­ar héldu áfram. Und­ir of­beld­inu kröfðu þeir Hjör­leif ít­rekað um aðgangs­orð að heima­banka.

Þá var Hjörleifi ekið að leiksvæði í Gufunesi þar sem hann var meðal annars dreginn eftir göngustíg.

Um klukkan tvö að næturlagi komust ofbeldismennirnir inn á bankareikning Hjörleifs og tóku út um þrjár milljónir króna.

Hjör­leif­ur fannst svo rétt fyr­ir hálf átta um morg­un­inn á stígn­um í Gufu­nesi. Var hon­um komið á sjúkra­hús þar sem hann lést.

Peningaþvætti, hlutdeild í frelsissviptingu og rán

Pen­ing­arn­ir voru lagðir inn á reikn­ing fjórða manns­ins, sem einnig er ákærður í mál­inu fyr­ir pen­ingaþvætti, en þaðan fóru pen­ing­arn­ir inn á reikn­ing Matth­ías­ar Björns.

Unga kon­an er einnig ákærð fyr­ir hlut­deild í frels­is­svipt­ingu og ráni.

Fréttin hefur verið uppfærð.

Tengdar fréttir

Gufunesmálið

Óvíst um öflun frekari gagna í Gufunesmáli

• Lýsir miskunnarlausu ofbeldi þremenninganna
• Ákærðir fyrir manndráp, frelsissviptingu, rán og fjárkúgun
• Gufunesmálið: Fara fram á áframhaldandi gæsluvarðhald
• Rannsókn Gufunesmálinu á lokametrunum

» Fleiri tengdar fréttir

• Blogga um frétt