Ágúst ráðinn aðstoðarmaður borgarstjóra

Ágúst Ólafur Ágústsson, fyrrverandi þingmaður, hefur verið ráðinn aðstoðarmaður Heiðu Bjargar Hilmisdóttur borgarstjóra í kjölfar þess að Katrín M. Guðjónsdóttir baðst lausnar frá störfum.  

Þetta kemur fram í tilkynningu frá Reykjavíkurborg. 

Ásamt því að hafa verið áður á Alþingi fyrir Samfylkinguna þá sat hann í bankaráði Seðlabanka Íslands í fjögur ár. Einnig hefur hann gegnt formennsku í viðskiptanefnd Alþingis, Evrópunefnd forsætisráðherra og í framkvæmdasjóði aldraða.

Ágúst er menntaður lögfræðingur, hagfræðingur og stjórnsýslufræðingur og á sæti í stjórn Dýraverndarsambands Íslands og Evrópuhreyfingarinnar.

Ágúst hefur störf á skrifstofu borgarstjóra og borgarritara í Ráðhúsi Reykjavíkur þann 13. júní næstkomandi.

Frétt af mbl.is

Heiða Björg ræður aðstoðarmann

• Blogga um frétt