Innlent | mbl | 8.6.2025 | 16:14

Ekki endilega spurt um heiðarleika

Jafningjafræðsla innan fangelsanna er algjör game changer, sérstaklega fyrir yngri stráka sem skortir góðar fyrirmyndir.

Strákarnir sem koma inn í fangelsin með jafningjafræðslu eru búnir að snúa við blaðinu og eru í dag að gera góða hluti. Þeir sýna fram á að það sé hægt að vera í heiðarleika, vera edrú, standa sig vel og öðlast allt aftur sem viðkomandi er búinn að missa – fjölskyldu, tengsl við börnin sín og maka til dæmis.

„Þetta eru góðar fyrirmyndir, og það er það sem þessum strákum vantar, það eru góðar fyrirmyndir, að sjá að þetta er hægt,“ segir Daníel Rafn Guðmundsson, en hann ræddi við Dagmál mbl.is um fangelsiskerfið og kom jafningjafræðslan meðal annars til tals.

„Ég er ekkert sérstakur“

„Ganga vel og græða peninga“

Daníel hefur verið edrú í 10 ár, allt frá því að hann leitaði Guðs í litlu kirkjunni á Staðarfelli og fékk um leið að finna upplifun sem breytti öllu. Í dag fer hann með trúarlegan boðskap inn í fangelsin og gegnir þar einnig jafningjahlutverki.

Hann segir algengt að ungum strákum sem leiðist út í neyslu eða afbrot skorti góðar fyrirmyndir. Á yngri árum sé auðvelt að líta upp til þeirra sem séu að „meika það“ í þessum heimi, þó það sé ekki á heiðarlegan hátt.

„Það er líka það sem samfélagið segir okkur að gera. Það er að ganga vel og græða peninga og svona. Það er ekkert endilega spurt um hvort þetta sé alveg 100% heiðarlegt.

Þannig að fyrirmyndirnar eru oft brenglaðar.“