Dregið hefur úr úrkomu á Tröllaskaga en áfram er í gildi óvissustig á Ólafsfirði vegna skriðuhættu.

Þetta segir Tómas Jóhannesson, ofanflóðasérfræðingur á skriðuvakt Veðurstofu Íslands, í samtali við mbl.is.

Eins og greint var frá fyrr í kvöld þá var íbúum í þrem­ur göt­um á Ólafs­firði ráðið frá því að dvelja í her­bergj­um með glugga eða dyra­op sem snúa upp í fjalls­hlíðina í kvöld og nótt vegna skriðuhættu.

„Það dró úr úrkomunni bæði á Ólafsfirði og Siglufirði og það hafa ekki borist nein tíðindi um skriður. Það hefur dregið úr úrkomunni líka í Útkinn,“ segir hann en þar urðu skriðuföll árið 2021.

Frétt af mbl.is

Íbúar sýni aukna aðgæslu utandyra í Ólafsfirði

Gera ekki ráð fyrir frekari aðgerðum

Það er áframhaldandi úrkoma en hún er ekki jafn áköf og hún var. Óvissustig er þó áfram í gildi.

„Við vonum að sá viðbúnaður sem gripið hefur verið til dugi og gerum ekki ráð fyrir frekari aðgerðum en gripið hefur verið til,“ segir Tómas.

Tengdar fréttir

Veður

Bjart með köflum og hlýjast á Vesturlandi

• Skúrir á víð og dreif
• Að mestu bjart en skúrir síðdegis
• „Víðáttumikil lægð norðaustur af landinu“
• Óvissustigi vegna norðanáhlaups aflýst

» Fleiri tengdar fréttir

• Blogga um frétt