Handteknir á tónleikum vegna gruns um vopnalagabrot

Lögreglan á höfuðborgarsvæðinu handtók tvo vegna gruns um brot á vopnalögum á tónleikum.

Þetta kemur fram í dagbók lögreglu þar sem greint er frá verkefnum lögreglu frá klukkan 17 í gær til 5 í morgun. Ekki kemur fram í dagbókinni um hvaða tónleika hafi verið að ræða. Handtökurnar fór fram í umdæmi lögreglustöðvar eitt, en hún sinnir verkefnum í stórum hluta borgarinnar og á Seltjarnarnesi.

Annar hinna handteknu var laus að lokinni skýrslutöku. Ekki kemur fram hvers konar vopn hann bar á tónleikunum. Hinn aðilinn bar eggvopn og var vistaður í fangaklefa vegna málsins.

Þá var óskað aðstoðar lögreglu vegna einstaklings sem kvaðst hafa orðið fyrir líkamsárás á tónleikum fyrr um kvöldið. Málið er í rannsókn hjá lögreglu.

Eins og mbl.is hefur greint frá voru þrír flutt­ir á sjúkra­hús af tón­leik­um FM95BLÖ í gær­kvöldi. Tón­leik­arn­ir voru haldn­ir í Laug­ar­dals­höll, en lögreglustöð eitt sinnir meðal annars útköllum í Laugardal. 

Frétt af mbl.is

Þrír fluttir á sjúkrahús af tónleikum FM95BLÖ

• Blogga um frétt