Drengur lést þegar dráttarvél hafnaði í Hvítá

Tíu ára drengur lést þegar dráttarvél féll í Hvítá í Hrunamannahreppi síðdegis í gær.

Hann hét Víglundur Þorsteinsson og var fæddur árið 2015. Hann bjó í Haukholtum ásamt foreldrum sínum og þremur systkinum. 

Slysið varð skammt frá bænum sem liggur við Hvítá. Drengurinn var ökumaður dráttarvélarinnar en hann var úrskurðaður látinn á vettvangi.

Lögreglan á Suðurlandi greinir frá þessu í tilkynningu á Facebook en þar segir að bænastund verði haldin í Hrunakirkju í kvöld klukkan 20.

Frétt af mbl.is

Dráttarvélarslysið varð á landareign í einkaeigu

Fluttur með þyrlu á spítala í gær

Lögreglan á Suðurlandi fer með rannsókn á tildrögum slyssins, en sú vinna er á frumstigum.

Seint á sjötta tím­an­um í gær­dag lenti drátt­ar­vél í Hvítá og var drengurinn flutt­ur með þyrl­u Land­helg­is­gæsl­unn­ar á spít­ala.

Lögreglan segir að unnið sé að því að ná dráttarvélinni upp úr ánni en aðstæður á vettvangi eru erfiðar. Ekk­ert bendir til þess að sak­næmt at­hæfi hafi átt sér stað, að sögn lögreglu.

 „Lögreglan vill koma á framfæri þökkum til allra þeirra viðbragðsaðila sem komu að björgunaraðgerðum í gær sem og þeim aðilum sem hafa unnið að því að ná dráttarvélinni upp í dag.“

• Blogga um frétt