Fasteignamat hækkar mest á Suðurnesjum og á Norðurlandi. Þetta segir meðal annars í fréttatilkynningu frá Húsnæðis- og mannvirkjastofnun (HMS) um þróun fasteignamats fyrir árið 2026, sem kynnt er á opnum fundi sem stendur nú yfir.  

Fasteignamat hækkar um 9,2% milli ára. Meðalhækkun fasteignamats íbúða nemur 10,2% á meðan fasteignamat sumarhúsa hækkar um 11,5% og fasteignamat atvinnueigna hækkar um 4,8%.

Óbreytt fasteignamat í Grindavík

Á Suðurnesjum hækkaði fasteignamat umfram landsmeðaltal þar sem mikil eftirspurn var á íbúðamarkaði í nágrannasveitarfélögum Grindavíkur á seinasta ári. 

HMS hefur þó ákveðið að halda fasteignamati í Grindavíkurbæ óbreyttu milli ára þar sem óvissuástand ríkir og engin markaðsvirkni hefur átt sér stað í sveitarfélaginu. 

Fasteignamat á Norðurlandi hækkar einnig umfram landsmeðaltal en virði atvinnu- og sumarhúsaeigna hefur hækkað töluvert á svæðinu.

Endurskoða aðferðarfræði

Aðferðarfræðin við útreikning fasteignamats er sambærileg þeirri sem notuð hefur verið síðustu ár og byggir beint eða óbeint á kaupverði sambærilegra fasteigna. 

HMS hyggst þó endurskoða aðferðarfræði fyrir fasteignamat atvinnueigna fyrir fasteignamat 2027, með það að markmiði að útreikningurinn sé gangsærri og að fasteignamatið endurspegli betur markaðsvirði

Tengdar fréttir

Húsnæðismarkaðurinn

Kallar eftir lækkun fasteignaskatta í Reykjanesbæ

• Seltjarnarnes og Garðabær lækka álagningu
• Brengluð verðmyndun síðustu ár
• Húsnæðisskortur ríki með óbreyttum vaxtamörkum
• Í góðum takti við það sem við var að búast

» Fleiri tengdar fréttir

• Blogga um frétt