Rafael Grossi, yfirmaður kjarnorkumálastofnunar Sameinuðu þjóðanna, greindi frá því á neyðarfundi öryggisráðs Sameinuðu þjóðanna sem stendur nú yfir að stærstur hluti kjarnorkustöðva Írans sem eru ofanjarðar hafi eyðilagst í árásum Ísraelshers.

Hann sagði að öll rafmagnsinnviði og neyðarrafstöðvar kjarnorkustöðvar sem staðsett er í héraðinu Natanz hefðu verið eyðilagðar, sem og sá hluti aðstöðunnar þar sem úran var auðgað.

Aðalskilvinda stöðvarinnar sem staðsett er neðanjarðar virðist þó ekki hafa beðið skaða. Þó kann að vera að rafmagnsleysið sem árásin olli gæti hafa valdið skemmdum á þeim hluta stöðvarinnar.

Kjarnorkan drifkrafturinn

Í samtali við mbl.is fyrr í dag útskýrði Al­bert Jóns­son, sér­fræðing­ur í alþjóðamál­um og fyrr­ver­andi sendi­herra Íslands í Rússlandi, að kjarnorkuinnviði Írana og kjarnorkuáætlun þeirra væri helsta ástæða árása Ísraelsmanna.

„Það sem er vitað er að Íran­ir eru með kjarn­orku­áætlun sem þeir segja að sé friðsam­leg en það hafa alltaf verið efa­semd­ir um það. Árið 2005 sagði kjarn­orku­mála­stofn­un­in bein­lín­is að Íran­ar væru að svindla og núna í vik­unni sagði stofn­un­in aft­ur að hún hefði grun­semd­ir um að Íran­ar séu ekki að standa við skuld­bind­ing­ar sín­ar.

Þetta er nátt­úru­lega það sem Ísra­els­menn eru að horfa á og núna segja þeir að Íran­ar séu ekki leng­ur með kjarn­orku­áætlun sem snú­ist um friðsama kjarn­orku og að þeir séu komn­ir á það stig, sér­stak­lega með aukn­ingu úr­an­fram­leiðslu, að þeir geti bein­lín­is farið að út­búa kjarn­orku­vopn,“ sagði Albert.

Frétt af mbl.is

Árásirnar bara byrjunin

Tengdar fréttir

Ísrael gerir árás á Íran

Trump segir alla skulu yfirgefa Teheran

• Íranar hefja loftárásir á Ísrael
• Segir að aftaka æðsta klerksins myndi enda stríðið
• Borgarar flýja Teheran
• G7-ríkin kalla eftir stillingu

» Fleiri tengdar fréttir

• Blogga um frétt