Donald Trump Bandaríkjaforseti segir ákvörðunina um að kalla út þjóðvarðliðið í Kaliforníu til að takast á við óeirðirnar í Los Angeles hafa verið frábæra. 

„Ef við hefðum ekki gert það, hefði Los Angeles verið algjörlega þurrkuð út,“ segir Trump á samfélagsmiðli sínum, Truth Social.

Uppnefnir hann Gawin Newsom, ríkisstjóra Kaliforníu, Gavin Newscum, sem gæti verið þýtt sem Gavin Nýúrþvætti, ásamt því að segja hann vera óhæfan í starfi sínu.  

Newsom var mótfallinn ákvörðun Trumps og sagðist í dag ætla að kæra Trump fyrir að senda þjóðvarðliðið án samþykkis ríkisstjóra.

Frétt af mbl.is

Newsom ætlar að kæra Trump

Hefðu átt að þakka fyrir aðstoðina

Trump segir að Newsom og Karen Bass, borgarstjóri Los Angeles, ættu í raun að þakka sér fyrir aðstoðina og segja: „TAKK, FORSETI TRUMP, ÞÚ ERT SVO DÁSAMLEGUR. VIÐ VÆRUM EKKERT ÁN ÞÍN, HERRA.“

Þess í stað hefðu þau logið að íbúum Kaliforníuríkis og Bandaríkjunum með því að segja að þau hefðu ekki þurft á aðstoðinni að halda.

Frétt af mbl.is

Lögregla kom í veg fyrir átök við þjóðvarðliðið

Tengdar fréttir

Donald Trump Bandaríkjaforseti

Útgöngubann áfram í Los Angeles

• Reiðubúnir að halda sameiginlegar heræfingar
• Efndi til umfangsmikillar hersýningar
• Aðgerðir Trumps í LA: Bandaríska þjóðin klofin
• Vilja „enga konunga“ í Bandaríkjunum

» Fleiri tengdar fréttir

• Blogga um frétt