„Hermenn alls staðar“ ef mótmælin aukast
Setja bókamerki
Donald Trump Bandaríkjaforseti segist aðspurður ekki telja að um uppreisn sé að ræða í Los Angeles-borg, en ef mótmælin muni aukast eða dreifast í aðrar bandarískar borgir muni yfirvöld „hafa hermenn alls staðar“, að því er BBC greinir frá.
Trump ræddi við fjölmiðla í forsetaþotu sinni í kvöld og voru mótmælin helsta umræðuefnið.
„Við ætlum ekki að láta þetta gerast í okkar landi,“ sagði forsetinn í kvöld. „Við ætlum ekki að láta þetta land verða rifið í sundur.“
Mótmælin að aukast
Nokkur hundruð þjóðvarðliðar eru nú á götum Los Angeles og hafa mótmælin farið vaxandi það sem af er kvöldi.
Hefur lögreglan meðal annars þurft að beita táragasi og hefur hún einnig hleypt af gúmmískotum.
Þriðji dagur mótmæla
Mótmæli brutust út vegna handtöku innflytjendastofnunarinnar ICE á tugum farandverkamanna í Los Angeles og er dagurinn í dag sá þriðji í röð sem mótmælt er.
Átök brutust út á milli mótmælenda og óeirðalögreglu og notaði lögregla meðal annars táragas.
Trump kallaði út 2.000 hermenn úr þjóðvarðaliðinu í Kaliforníuríki til að halda uppi lögum og reglu á svæðinu, þvert á óskir ríkisstjóra.
Ógnvænleg misnotkun valds
Ríkisstjórar Demókrataflokksins í Bandaríkjunum hafa sent frá sér sameiginlega yfirlýsingu þar sem þeir mótmæla ákvörðun Trumps að kalla út þjóðvarðliðið.
„Ákvörðun Trumps forseta um að senda út þjóðvarðlið Kaliforníu er ógnvænleg misnotkun valds,“ sögðu ríkisstjórarnir.
„Það er mikilvægt að við virðum framkvæmdavald ríkisstjóra landsins til að stjórna þjóðvarðliði sínu.“
Undarlegt að stjórnvöld höggvi í fjölmiðlana
Stórgræddi á sölu íbúðarinnar til sendiráðsins
Örorkulífeyrir bitni ekki á ellilífeyrinum
Vilja ekki álykta um upphaf covid-bylgju
Framkvæmdirnar óheppilegar en afturkræfar
Skattar á ferðaþjónustu boðaðir
Látinn eftir líkamsárás í Samtúni