Veröld/Fólk | mbl | 27.6.2025 | 22:30

Sonur Diddy ákærður fyrir þátttöku í hópnauðgun

Justin Combs þegar hann yfirgaf dómshúsið í gær í New York-borg. Í dag er síðasti dagur röksemdarfærsla ákæruvaldsins. John Lamparski/Getty Images via AFP

Sonur rapparans og tónlistarmógúlsins Sean „Diddy“ Combs, Justin Combs, er ákærður fyrir að tæla konu frá Lousiana til Los Angeles í þeim tilgangi að henni yrði hópnauðgað m.a. af föður hans.

Yfir 30 einstaklingar hafa verið kallaðir til að bera vitni við réttarhöld P. Diddy á Manhattan, í New York, sem staðið hafa yfir síðan 5. maí. Rapparinn er ákærður fyrir kynlífsmansal, fjárkúganir og kynferðisofbeldi gegn fjölda fórnarlamba.

King Combs and Justin Combs, synir Sean "Diddy" Combs þegar þeir mættu til réttarhaldanna 6. júní. CHARLY TRIBALLEAU / AFP

Frétt af mbl.is

Það sem fannst á einu heimili Sean „Diddy“ Combs

Beitti blekkingum

Samkvæmt dómsskjölum á Justin að hafa platað hana til Kaliforníu í apríl 2017, undir þeim formerkjum að hann útvegaði henni vinnu í skemmtanabransanum.

Ónefnd konan segist hafa verið komið fyrir í íbúð í Beverly Hills, þar sem henni var haldið í nokkra daga og nauðgað af þremur mönnum, þ.á.m af P. Diddy.

Konan, sem nú er 31 árs, heldur því fram að hún hafi komist í samband við Justin á árinu 2017 í gegnum samskiptaforritið Snapchat. Justin á að hafa beðið hana um nektarmyndir sem hún sendi honum. Nokkrum dögum síðar bauð Justin henni til Kaliforníu yfir helgi í þeim tilgangi að ræða frama hennar.

Janice Combs móðir Sean "Diddy" Combs og Justin Combs til hægri, þegar þau yfirgáfu dómshúsið á Manhattan 4. júní. Leonardo Munoz / AFP

Beitt hrottalegu ofbeldi

Justin sagðist geta komið henni áfram í gegnum tengsl sín.

Hún var sótt af bílstjóra á flugvöllinn í Los Angeles sem keyrði hana í áðurnefnda íbúð. Þar dvaldi hún fyrstu nóttina með Justin. Konan neytti fíkniefna sem Justin bauð henni og eftir það komu þrír grímuklæddir menn í íbúðina, einn af þeim sem hún telur hafa verið P. Diddy. Hún sagði m.a. að Justin hefði kallað hann „pabba“.

Þá var henni fylgt inn í svefnherbergi þar sem óverknaðurinn átti sér stað, frá eftirmiðdegi laugardags til sunnudags. Henni var svo skutlað á flugvöllinn á mánudeginum.

Lögfræðingar P. Diddy hafa neitað þessum ásökunum.