Gaf eiginmanninum einn á lúðurinn
Setja bókamerki
Brigitte Macron, forsetafrú Frakklands, virtist eitthvað ósátt við eiginmann sinn, Emmanuel Macron Frakklandsforseta, ef marka má myndskeið sem náðist af forsetahjónunum þegar þau lentu á flugvellinum í Hanoi í Víetnam á sunnudag.
Brigitte, sem er 72 ára, sást ýta eiginmanni sínum, hinum 47 ára gamla Emmanuel, þegar þau voru við það að yfirgefa flugvélina.
Frakklandsforseta var brugðið þegar Brigitte sló til hans, ef marka má svipbrigði hans á myndskeiðinu, en forsetinn reyndi að létta andrúmsloftið með því að brosa og veifa til blaðamanna og víetnamskra embættismanna sem biðu forsetahjónanna við lendingu.
Myndskeiðið hefur, eins og við mátti búast, verið í mikilli dreifingu á samfélagsmiðlum síðustu klukkustundir og hafa talsmenn forsetahjónanna reynt að þagga málið niður og haldið því fram að um saklausar hjónaerjur hafi verið að ræða.
Brigitte og Emmanuel virðast hafa náð að vinna úr deilum sínum, en forsetahjónin yfirgáfu Víetnam fyrr í dag og leiddust upp tröppurnar að flugvélinni, sátt og sæl.
„Óafturkræfar“ skemmdir á fornleifum í Laugarnesi
Gætti ekki að sér og varð valdur að banaslysi
Reykjavík fengið 1,7 milljarða greidda
Fleiri gætu afplánað dóma utan fangelsa
Ekki auglýstur ferðamannastaður
Giftu sig að ásatrúarsið í Svíþjóð