Hlynur, Saga og Sverrir á rauða dreglinum

Hlynur Pálmason kvikmyndaleikstjóri frumsýndi kvikmynd sína Ástin sem eftir er á kvikmyndahátíðinni í Cannes í gær, sunnudaginn 18. maí. 

Aðalleikarar myndarinnar Saga Garðarsdóttir og Sverrir Guðnason stilltu sér upp á rauða dreglinum ásamt Grími, Þorgils og Ídu Mekkín Hlynsbörnum, en þau fara einnig með hlutverk í myndinni. 

Með í hópnum eru einnig Ingvar E. Sigurðsson sem fer jafnframt með hlutverk í myndinni, framleiðendurnir Anton Máni Svansson og Katrin Pors, sem og danski leikarinn Anders Mossling. 

Katrin Pors, Ingvar Sigurðsson, Sverrir Guðnason, Ída Mekkin Hlynsdóttir, Hlynur Pálmason, Grímur Hlynsson, Þorgils Hlynsson, Saga Garðarsdóttir og Anton Máni Svansson. AFP/Valery Hache

Um kvikmyndina segir í kynningartexta: „Ástin sem eftir er fangar ár í lífi fjölskyldu þar sem foreldrarnir stíga fyrstu skrefin í átt að skilnaði. Á fjórum árstíðum fylgjumst við með hversdagslífi fjölskyldumeðlima í gegnum óvænt, fyndin og hjartnæm augnablik sem endurspegla hið breytta samband þeirra.“ 

Hlynur hefur áður hlotnast sá heiður að frumsýna kvikmynd á aðaldagskrá hátíðarinnar í Cannes. Fyrir þremur árum heimsfrumsýndi hann Volaða land í Un Certain Regard-flokki hátíðarinnar. Þá heimsfrumsýndi Hlynur einnig kvikmyndina Hvítan, hvítan dag í Semaine de la Critique í Cannes 2019.

Hlynur smellir af. AFP/Sameer Al-Doumy

Anton Máni Svansson, Anders Mossling, Saga Garðarsdottir, Þorgils Hlynsson, Hlynur Pálmason, Ída Mekkín Hlynsdottir, Grímur Hlynsson, Sverrir Guðnason, Ingvar Sigurðsson og Katrin Pors. AFP/Al-Doumy

Hlynur ásamt börnum sínum þremur. AFP/Valery Hache

Hlynur Pálmason leikstjóri. AFP/Valery Hache

• Blogga um frétt