Hákon seldur úr landi

Uppsjávarskip Gjögurs, Hákon EA 148, verður brátt selt úr landi. Ingi Jóhann Guðmundsson framkvæmdastjóri Gjögurs staðfesti söluna í samtali við 200 mílur. Jafnframt sagði hann að skipið yrði gert út undir erlendu flaggi og til stæði að það verði afhent kaupendum í september. Hákon kom til Akureyrar seint í gærkvöldi og mun fara í stóra klössun hjá slippnum. Meðal annars á að stækka frystikerfið og fjölga kojum svo rúm sé fyrir 40 manns.

Frétt af mbl.is

Stærsta veiðiskipið kemst ekki til heimahafnar

Ekkert unglamb lengur

Hákon EA 148 hefur frá upphafi verið í eigu Gjögurs en hann var með fyrstu skipunum sem rötuðu fullhönnuð af teikniborði skipahönnunarfyrirtækisins Nautic. Skipið er 76 metra langt og 14 metra breitt uppsjávarfrystiskip útbúið til nóta- og togveiða og í áhöfn voru 12 til 24 eftir veiðum og vinnslu. Hákon var smíðaður í Síle árið 2001 og er því ekkert unglamb lengur en hann hefur þjónað hlutverki sínu vel. Skipið var gert út frá Grenivík og áhöfnin að mestu verið af Eyjafjarðarsvæðinu.

„Þetta er mjög gott skip og það er nú alltaf eftirsjá að góðum skipum en það koma ný í staðinn,“ segir Ingi Jóhann. „En eins og staðan er í sjávarútvegi á Íslandi núna þá er ekki gott að eiga allt of mörg skip."

Arftaki Hákons var smíðaður af dönsku skipasmíðastöðinni Karstensens Skibsværft A/​S og var afhentur Gjögri í október í fyrra. Skipið er 75 metra langt og 17 metra breitt og í áhöfn eru 9 til 11 skipverjar.

Frétt af mbl.is

Unnið hörðum höndum í nýjum Hákoni

Frétt af mbl.is

Nýr Hákon stórglæsilegur

• Blogga um frétt