Trump gerði allt rétt

Auk þess eru 25 milljarðar dala, um 3000 milljarðar íslenskra króna, eyrnamerktir loftvörnum og landamæravörslu, málaflokkum sem Trump hefur lengi sett í forgang. Sjónarmið um þjóðaröryggi og sjálfstæði í löggæslu skipa þar stóran sess.

Markaðir og vopnaframleiðendur á uppleið

Bandarískir hlutabréfamarkaðir hafa brugðist skýrt við. Á síðustu 30 dögum hefur Dow Jones hækkað um 6,2% og S&P 500 um 7,1%, samkvæmt tölum Bloomberg. Fjárfestar og markaðir virðast hafa tekið fagnandi á móti minni reglubyrði og væntingum um vaxandi hagnað stórfyrirtækja.

Sérstaklega hafa fyrirtæki á borð við Lockheed Martin, Raytheon og Boeing notið góðs af breyttum áherslum, bæði vegna fjárveitinga og þrýstings Trumps á NATO-ríkin.

„Stóra skatta- og útgjaldaáætlun Trumps er jákvæð fyrir hlutabréf, þangað til raunveruleg fjármálakrísa skellur á og markaðir dragast aftur saman“, segir Alexander Morris, framkvæmda- og fjárfestingastjóri hjá F/m Investments í samtali við Reuters og hvetur til hóflegrar bjartsýni.

Kanada, NATO og harðari alþjóðastefna

Trump hefur einnig náð pólitískum sigrum erlendis. Í Kanada hótaði hann tollastríði nema ríkisstjórnin félli frá nýrri skattlagningu á bandarísk tæknifyrirtæki, sem hún gerði. Þetta þykir stór sigur fyrir forsetann og skýr sýn á nýja verndartollastefnu.

Innan NATO hefur hann knúið fram sögulega stefnubreytingu. Alls hafa 29 aðildarríki fallist á að verja á 5% af vergri landsframleiðslu í varnarmálaútgjöld, helmingi meira en fyrri skuldbindingar bandalagsins. Margir líta á það sem afdráttarlausan viljastyrk Trumps og viðurkenningu bandamanna á leiðtogahlutverki hans.

Hæstiréttur og fjölmiðlasigur

Á innlendum vettvangi hefur Hæstiréttur fellt úrskurð sem takmarkar vald lægri dómstóla til að túlka reglur stjórnvalda, úrskurð sem styður við stefnu Trumps í innflytjendamálum og dregur úr afskiptum ríkisstofnana á borð við EPA og FDA.

Í öðru máli lauk forsetinn einnig löngum ágreiningi við CBS sjónvarpsstöðina með sátt. Samkvæmt samkomulaginu greiðir stöðin Trump 16 milljónir dollara, tæpa 2 milljarða íslenskra króna vegna rangfærslu í umdeildu viðtali við Kamölu Harris varaforseta.

Fækkun ólöglegra innflytjenda

Samtímis sýna nýjustu tölur frá bandarískum yfirvöldum að fjöldi nýrra ólöglegra innflytjenda hefur dregist verulega saman. Í júní voru aðeins 6.070 ólöglegar komur yfir suðurlandamærin skráðar, sem er um 15% fækkun frá mars og það lægsta sem mælst hefur á þessu kjörtímabili. Samkvæmt tollgæslu og landamæraeftirliti (CBP) nemur árleg fækkun frá maí 2024 til maí 2025 allt að 93%. Hvort breytingin stafi af harðari gæslu, fælingaráhrifum eða breyttri stefnu stjórnvalda er ekki fullkomlega ljóst, en Trump hefur haldið því fram að þetta sé fyrsti raunverulegi árangurinn í landamæramálum frá árinu 2021.

Trump virðist óstöðvandi

Þrátt fyrir að pólitískt landslag í Bandaríkjunum sé enn litað af djúpum deilum, hefur Trump nú tryggt sér yfirburðastöðu. Með markaðina á uppleið, hæstarétt sín megin og helstu bandamenn gangandi í takt, er fátt sem bendir til þess að sigurgöngunni sé að linna.

Fréttin hefur verið uppfærð.

Í fyrri útgáfu var vitnað í rangan heimildarmann.