HS Orka endurgreiðir viðskiptavinum

„Í kjölfar dóms Hæstaréttar Íslands þar sem innmötunargjald Landsnets var dæmt ólöglegt, hefur HS Orka ákveðið að endurgreiða viðskiptavinum sínum það gjald sem þeir greiddu sérstaklega undir þessum lið.“ Þetta segir í tilkynningu frá HS Orku.

„Við höfum frá upphafi haft efasemdir um lögmæti þessa gjalds og því tekið þá afstöðu að sýna það sérstaklega á reikningum okkar. Nú þegar Hæstiréttur hefur staðfest ólögmæti þess, er eðlilegt og rétt að viðskiptavinir okkar fái það endurgreitt,“ segir Friðrik Friðriksson, framkvæmdastjóri sölu og þjónusta hjá HS Orku, í tilkynningunni.

Þá segir að tímabilið apríl 2022 til október 2023 verði endurgreitt. Viðskiptavinir þurfi ekki að hafa samband eða sækja sérstaklega um endurgreiðsluna sem komi sem inneign á reikning viðskiptavina.

• Blogga um frétt