Eitthvað það fáránlegasta sem hefur gerst

Jón Daði Böðvarsson lítur stoltur til baka á stórmótin tvö sem íslenska landsliðið í knattspyrnu fór á árin 2016 og 2018. 

Jón Daði er kominn heim til Sel­foss eft­ir 13 ára fjar­veru í at­vinnu­mennsku. Þar lék hann með liðum í Nor­egi, Þýskalandi og Englandi.

Jón Daði var þá í stóru hlutverki á bæði EM 2016 og HM 2018 og skoraði meðal annars gegn Austurríki á því fyrrnefnda.

Frétt af mbl.is

Jón Daði farinn að huga að framtíðinni

„Ég lýg því ekki að þetta er eitthvað það fáránlegasta sem hefur gerst á mínum ferli. Velgengin með landsliðinu er eitthvað sem mun alltaf vera í hjarta manns. Hversu góð áhrif það hafði á samfélagið í heild sinni er líka eitthvað sem ég er mjög stoltur af. 

Þessi tími var yndislegur en það var þá og nú eru líka spennandi tímar fram undan,“ sagði Jón Daði í samtali við mbl.is. 

• Blogga um frétt